Fenway Park Tour und Raclette

Am 21. Novämber isch DÄ grossi Daag gsi: Mir sinn uf e Fenway Park Tour gange..

es isch strahlend blaue Himmel gsi, e agnähms Lüftli und tatsächlich hänn ca. 60 anderi Nase au nüt bessers ztue gha, als the Home of the Boston Red Sox go aluege.

Unseri "guidin" het rächt beeidruggt mit ihrem Red Sox Vokabular und Jooreszahle. I würd jo gärn mehr drzue sage, aber erschtens hänn mir all die Näme (usser velicht Ted Williams, well das e Quizfroog am erschte Daag an dr Dana-Farber Orientierig gsi isch) nüt gseit und vo Baseball hanni scho gar kei Ahnig.
Es isch schön zgseh, dass d Amerikaner immer mit Liib und Seel bi sonere animierte Tour drbi sinn. Scho ab dr erschte Sekunde het me voller Inbrunscht "Red Sox" brüllt und wenn d Amy (nenne mr dr Guide doch so) het welle wüsse wär unter weller Nummer wie lang und vor allem wie witt pitched (?) het, het immer öbber e Antwort gwüsst. Ei Fakt het dr ander gjaggt und me isch usem Stuune gar nümme useko :-)
ha gar nit gwüsst, dass me zuenere glaine Nummere, wo irgendwo obe am Stadion kläbt, soviel und vor allem lang ka verzelle ;-)
e paar Fakte:
- dr Fenway Park isch dr zwei glainschti Baseball park in dr Major Leage in Amerika, aber dr ältischt!
- d Wartelischte für e Job als Nummereboy hinterem Green Monster (ohni WC!!) isch ca. 30 Joor :-)


- s Scoreboard wird immer no manuell bedient..





- dr längschti Homerun do inne isch mitemee rote Sitz markiert..dä gueti Herr wo damals dr Ball an Grind biko het, isch e ehemalige Yankeefan gsi (dr Martin bestrittet das, aber wohrschins hämmers eifach beidi nit verstande :-) ) sicher isch: Section 42, Row 37, Seat 21

- dr wohl sinnlosischti Platz isch zwar noch an dr Homebase aber drfür hinter emene Pfoschte

- e Sitzplatz bi däne änge Tischli koschtet ca. 400 -600 Dollar


- die grieni Farb vom Stadion heisst "Fens Green" und me ka sie leider nit käuflich erwärbe




Zobe sinn B&B zue uns ko und mr hänn welle Raclette mache. Dodrzue het unsere Bsuech unter extremer körperlicher Belaschtig e Converter agschleppt. Alles isch parat gsi, me het gwitzlet und isch luschtig gsi, het dr Ofe agschlosse und gwartet..nüt isch passiert bis das glaine härzige Ding names Sicherig e glai, schwarz Fläckli ufzeigt het. Mi Racletteofe- wohrschinlich eins vo de erschte Modäll, wo je erschiene isch- het dr Converter killt..für e Momänt isch Rueh ikehrt und Enttüschig het sich breit gmacht..und jetzt? so schad um dä Kääs..hät soo Luscht gha.

Zweierlei Lösige hänn sich anerbotte:

1) für d Romantiker und Raclette-schätzer:
e gekonts (und immer witter ustüfftlets)
zämme-und ufenanderschiebe vo Réchaudkerzli
in IKEAgläsli.
Vorteil: seht extremschtens schön us, steigeret d Vorfreud (und dr Hunger)
Nochteil: d Härdöpfel sinn leider kalt, wenn dr Kääs barat isch, me brucht ca. 50 Kerzli und verbrennt sich öbbe 5mol d Finger





2) für dr Hungrigi, Männligi Raclettteilnähmer
die schnälli (grossi) Ofevariante
Vorteil: sehr schnäll und effizient. Git öbbe 3 Kääseschibe pro Minute und Person
Nochteil: minus 2 Raclettkächeligriff (die klääbe hüt no am Ofedatze), het absolut kei Stil (lut B&F)






mit viel Wyy, Geduld und Effiziänz (je nachdäm welli Variante me gwählt het) simmer denn doch alli fröhlich und vor allem satt worde :-)

Rückblick: Herbscht in New England

Herbscht in New England

Rückblick: Mam&Dad in Boston

Um mi Geburtstag umme sinn mini Eltere uf Bsuech ko. Für sie isch es s allererschte Mol in Amerika gsi..em Mami hänn die viele Shoppingmöglichkeite glaub sehr guet gfalle, wo hingege dr Papi immer wieder betont het, dass jetzt denn d Sohle vo sine Schueh bald duure sige :-)

Mr hänn denn au mol e Auti gmietet und sinn dr Küschte entlang uffe gfahre: über Marblehead und Newburyport in Richtig White Mountains in Indian Summer.

Linggs und rächts vo dr Stroos hets wunderschöni Herbschtbäum gha und me het immer wieder könne stuune ab däne extreme Rot und Neonorangedöön. Leider hets Wätter nit immer mitgspielt..(sone Räge hanni also no sälte gseh!). Aber trotz em Näbel und dr triebe Stimmig: die Bäum hänn richtig useglüchtet.

Hänn denn e kurze Zwüschestopp in Littleton bim längschte Siessigkeite-counter gmacht. Unglaublich, wieviel Dose und Kischtli mit allne mögliche Candies s dört git..und no viel mehr gierigi Kinder, glaini und grossi. Me het miesse ufpasse, dass bim zueschruube vo de Gläser nit no usverseh e Finger vonere andere vo Gier besässene Person drin gsi isch. E Spegtaggel..nichtsdestotrotz hämmer is erlaubt vo däm candyzüg enttüscht zsi..d Masse isch zwar enorm und au die viele Förmli und Figürli, aber gschmeggt het irgendwie alles glich, sofärn mes überhaupt het könne bisse :-)

Dr Indian Summer in New Hampshire isch absolut sehenswärt und es het sich mehr als glohnt, dass mr praktisch jedi Stroos in de White Mountains abgfahre sinn..e Elch hämmer leider, oder au gottseidangg-nit gseh.. e Begegnig mit däm Viech ka tödlich si.

Bim Heimwäg simmer no bimene Shaker Village vrbi.

Die Shaker(dt.: Zitterer) sind eine christliche Freikirche in Amerika. Ihr Name leitet sich von dem rituellen Schütteltanz her, der bei ihnen als eine Form der Verehrung Gottes gilt. Die Glaubensgemeinschaft zeichnet sich durch eine strenge Arbeitsethik und ein nahezu monastisches, weitgehend nach Geschlechtern getrenntes Gemeindeleben aus. Ihre weiteste Verbreitung fanden die Shaker-Gemeinden um die Mitte des 19. Jahrhunderts; heute sind sie fast ausgestorben. Bekannter als die Glaubensrichtung selbst sind die Shaker Möbel.

s Museum isch so ähnlich wie dr Ballebärg. Überall hets Lüt wo ihres "Tagwärk" erledige und bitz verzelle. Schins hänn d Shakerfraue all paar Wuche ihre Job gwäggslet, drmit sie nit in e Trott ihnegheie und wieder voller Motivation könne starte. s Ässzimmer het jewils 2 getrennti Bereich mit separatem Igang beinhaltet: eine für d Männer und eine für d Fraue. d Ménage isch anere Schnur in dr Tischmitte vo dr Deggi abeghange, drmit e "kasch mer bitte s Salz länge" nit die nötigi Rueh gstört het. Dr Dachbode, wo Blueme und Krütli trocknet worde sinn, het e zuesätzlichi Stääge brucht, drmit me nit usverseh die Stäge verwütscht, wo in d Schloofzimmer vo de Fraue goht. Alles in allem sehr interessant. Schins läbe hüt nur no 3 Shaker: 2 Fraue in de 70ig und e Maa in de 50ig..Logischerwiis hänn d Shaker sich mit ihrer Abstinänz dr eigeni Untergang beschert.

Anektdoten aus dem Supermarkt

Jetzt bini scho über 4 Monet do..und no immer isch Ikaufe e riese Sach für mi :-)
Generell bruchi dopplet so lang wie dehaim in dr Schwiz. Es sig denn ich ha e Lischte mit ganz eifach Basic-sache, woni immer wieder bruch, druff und i nimm mr fescht vor, nur in die Gäng zgo und denn diräggt an d Kasse..
Was aber wenni "verruggteri" Sache bruch?? Hefi zum Bispiel..I weiss ganz genau, wo in mim Coop das glaine Würfeli gläge isch..aber do? Also frogi halt: Where do you have yeast?- Yeast?- Yes yeast- For baking? -Yes (sust könnti jo e Nochberslabor go frooge :-)) Leider weiss es dä Bueb nit und muess go frooge...schlussändlich hanni denn Trockehefi gfunde. Vo däre wiederum ha ich überhaupt kei Ahnig..ha nit mol gwüsst, dass es do verschiedeni Arte git.

e anders Unternähme isch d Suechi nach gmahlene Mandle oder Haselnüss..letscht Joor hanni e Nomidaag drmit verbrocht miteme Löffel die Dinger klei zhacke..Do i jetzt e Job ha liggt das zittlich leider nümme drinn. Nur soviel: ich ha bis jetzt no keini gmahlene Nüss gfunde..Gib aber nonig uf. They must be out there, somewhere.

Zuedäm isch hüt e grosse Daag gsi: Ich ha tatsächlich Blätterteig gfunde. Nach ere 4 monatige Suech hanen einsam und verlasse und imene komische Outfit inere Kiehltruhe gfunde. Sie hänn dä armi Siech in e Alufoliebhälter gsperrt und en denn au no igfroohre!
Voller Vorfreud uf d Schinggegipfeli bini heimegloffe, dr Kassezettel in dr Hand und ha mit Entsetze miesse feschtstelle, dassi grad dr tüürschti Blätterteig vo mim Läbe kauft ha: 10 Dollar!!!!!!!!

Rückblick: Cape Cod

Rückblick: Cape Cod

Im Septämber isch dr erschti Bsuech uf dr Matte gstande: Oli, Simone, Jolanda und dr Darko hänn is beehrt. Während d Jolanda s Glück gha het ihres Motelzimmer mit de zwei nätte Herre zteile, het d Simone mit unserer überdimensionale Matratze miesse Vorlieb nä.

Am Wucheänd vom Laborday simmer alli zämme nach Cape Cod düst..wobi düüse velicht im Fall vo Oli und Co bitz übertribe isch. Bis die drei ihres Mietauti hänn könne starte, hänn mir scho dr erschti Sunnebrand gha :-)
An däm Strand het me übrigens nüt dörfe mache: no running, no beach ball, no frisbee, no football, nonononono
am halb 5i het denn dr überus luschtigi Baywatch-verschnitt Uffsichts-Boy sini Starwarsmasgge uspaggt und verkündet, dass me no genau 15min Zytt für ufs WC het :-)

Unser Motel in Hyannis isch sehr suuber und zentral gsi. Zobe het me könne d Mainstreet uf und ab laufe und sich dr Buuch mit feine Sache vollschloh.

Do mir Autis gha hänn, simmer ganz Cape Cod abgfahre, bis nach Provincetown uffe. Ufgrund vom Laborday-weekend hets dört vo Lüt numme so gwimmlet. Unglaublich wie gstopft die Stroose und Hüüserverandas gsi sinn. Do het e Gruppe Cüpli kippt und dört hänn sie d Bäum im Vorgarte mit goldigem Lametta gschmüggt. Die Stadt isch voller Farbe und Kunst/Design"lädeli" und es git viel zum luege..

Ufem Wäg zrugg simmer no zue de Düne bi Head of the Meadow. Dos scho bitz kiehler gsi isch und e Windli gweiht het, isch dä Strand rächt leer gsi. E paar Verruggti sinn aber trotzdäm ins Wasser und als kräbsroti Zittergstalte zruggko :-)

Am Mäntig denn sinn Jolanda, Oli und Darko in Richtig Newport witter.
Do Wrentham uf unserem Heimwäg gläge isch, hämmer fascht vrbi miesse :-)Das isch e Outletdorf mit ca. 170 Läde!!! Für das hämmer denn sogar ca. 2 Stund im Stau gwartet..In däm Dorf sälber het sich die Masse an Lüt zum Glück e bitz verteilt, so dass me schön het könne shoppe (vor allem d Simone und ich :-)).

Wieder zrugg in Boston hämmer denn die Zytt mitemene Drink ufem Prudential (gwüssi hänn no schnäll e glaini Whiskydegustation mitgmacht) und emene Ässe bi Fire&Ice lo usklinge.

Merci nomol für Eure Bsuech, es isch super gsi mit Euch...und als Erinnerig hämmer jo no die wunderschöne Badtiechli vo Euch :-)

Wo ist Bömbelbee?

Für alli, wo sich frooge, was äggscht loos isch, worum nüt meh postet wird zur Zytt:
Mir hänn grad ei Bsuech am andere und sinn jetzt ändlich au mol mehr unterwägs und nit nur vorem Compi :-) Sobald ich denn mol wieder drzue kumm, widme ich mi denn wieder däm Unternähme do. Bis es sowyt isch, dängg ich an Euch bimene Cocktail ufem Prudential oder emene Ben & Jerry Glacé ufemene Bänggli an dr Sunne :-) bis bald!

Longwood Medical Area

Im Longwood Medical Area ist die Dichte an Krankenhäusern, Colleges, Unis und biomedizinischen Instituten amazingly gross. So kann es gut sein, dass der Autor eines wichtigen Papers gleich nebenan im Gebäude sitzt. Was mich viel mehr beeindruckt: es kann sein, dass plötzlich der ganze Verkehr lahmgelegt wird, weil die Truthähne mal wieder über den Fussgängerstreifen stolzieren oder auf der Überholspur schlendern...

Harvard Medical School...so quasi das Parthenon von Boston :-)

New Research Building, in dem auch unser Fitnessclub ist. Der neue Anbau von Martins Arbeitsort.


Jimmy Fund Building vom Dana-Farber Cancer Institute.Do schaff ich...



Meine Nachbarn (nicht die, die die besagten Paper schreiben :-) )

Mein Labor: genauer gesagt ein Teil davon. Die meiste Zeit verbringe ich in der sogenannten Containment Suite, einem Labor von höherer Sicherheitsstufe (für Arbeiten mit Viren wie dem HIV). Leider habe ich (noch?) kein Foto von mir im Ganzkörperschutzanzug. Ein Anblick, den ich gerne mit euch teilen würde :-)

Man trägt diesen Tyvekanzug (und sieht mindestens genauso gut aus wie diese junge Dame). Dazu kommt dann ein Face-shield, Überschuhe, Armschutz und doppelte Handschuhe...zusätzlicher Mundschutz ist freiwillig..



Bei solchen Arbeitsbedingungen geniesse ich meinen Heimweg durch den Back Bay Fens umso mehr..Neben diesen Gänsen sieht man auch viele Squirrels und anscheinend auch Waschbären...